AGGUR N MEƔRES

Acu n unamek s-umata yessɛa waggur n meɣres

Aggur n meɣres yessɛa azal, yessɛa aktayen yennumken, yessɛa uma d inzan. Tamezwarut d aggur amezwaru n tefsut; tafsut d tasemhuyt ḥemmlen s waṭas yemdanen, degs abaɣur ameqqran deg wayen yerzan tadamsa, d tujjya, d wezwu aḥlawan.
Tis snat d inzan xedmen imenza ɣef waggur n meɣres, llan degs klrad, yiwen, qqaren: "meɣres m'ara d-yesseɣres, yehwag atemu wehdes", wis sin, tamyart diyen tenna-yas:"euhdey tirezzaf n meyres ma d win yures, alama yeger bujdam timcet*", wayeḍ, wis krad, qqaren diɣen: "iṭij n meɣres, yessibrik iɣes". Am akken nefhem, d akken di meɣres mazal tettili degs taṣmudi d igwefran, am yinzi i d-nefka d amezwaru, d isem-is i d awal-is, "m'ara d-yesseɣres!".
Tis kṛaḍ d aktayen, yewwi-d ad nẓeṛ ass n 10 di meɣres 1980 i yebda umezruy n tmaziɣt deg wseggas n 80, ass nni i yɛewwel dda Lmulud Mɛemmeri ad yeg asarag ɣef Isefra n teqbaylit iqbuṛen(poèmes kabyles anciens) di tseddawit i ynelmaden, zewren-as-ed yemsulta di Buxalfa, rrant ɣer ugezdir(lwilaya)anda i t beḥten ssɛeddant di tɛeṣaṛt, asarag ur s ǧǧin ara a t yeg. Dɣa imir kan tekker, ffɣen-ed inelmaden n tseddawit ɣer webrid gan tikli, yerna ḥettmen ɣef imsulta akken a-s-d brun i wergaz n yergazen.

 ---------

* Yiwet n temyart terzef deg waggur n meyres, eeddik yewet wedfel idewwel, asmi i d-tezzi s-axxam-is tufa-d yewwi-d wemyar-is tayed deg wemkan-is, dya yeqqim-ed lemtel-a fellas.

              Amar Tafat, Izarazen, mars 05,2019 

---