Tafsut di tmurt taqbaylit
TAFSUT DEG WANSAYEN N TEQBAYLIT
AMAGGER N TEFSUT
Qarren: «amagger n tefsut», tamezwarut d lfal yelhan yecban rezgg(rbeḥ), d tumert.
Tis snat d tafsut yecban akud deg wazemz ass n 26 di fuṛaṛ, llan wid yeqqaren ad tadef ass-a 28 di fuṛaṛ, tafsut mm ijeǧigen, tafsut mm tafukt, degs mehlen akal s waṭas yemdanen d yemɣiden; abaɣur nniḍen ad tenqes tasmuḍi n tegrest, akud ad yettili d aḥlawan, ur ṣemmeḍ, ur yeḥmi nezzeh.
Tis krad, d ansayen iqbuṛen, ttmaggaren igwerdan tafsut. Tafejrit ad kkren igwerdan d tgwerdatin, imawlan nnsen ad sen heggin aɛwin: acebwaḍ, aḥeddur, lesfenǧ, d tmellalin, ad msawalen garasen di taddart ad inigen ɣer teẓgi anda gwten ymɣan d ijeǧigen, ad mmɣen timizar d yelmaten alama wwin-ed akk ijeǧigen iwatan; ad tteddun ad cennun d tarbaεt asefru-ya :
A tafsut! A tafsut!
Muggreɣ-kem-in s-ucebbaḍ!
S-ucebwaḍ!
A lala tafsut a mm ijeǧǧigen...